2

Vastu tips for study room

Ye to hum sabhi jante hai ki shiksha yani padhai ka humare liye kitna mahtva hai. Shiksha vyakti ke charitra aur jivan ka nirmaan karti hai.
Sabhi mata pita chahte hai ki unka bachha achhe se padhai kare aur exam me achhe number la kar apna aur parivaar ka naam roshan kare, lekin kai baar esa bhi hota hai ki kuch students bahaut mehnat karne ke baad bhi achhe number nahi la pate hai. Ya phir kisi ka padhne me mann hi na lagta ho….esi bahaut saari problems hoti hai.
Iska ek bada karan study room aur usme rakhi chizo ka sahi jagah par na rakha hona bhi ho sakta hai. Study room ko vastu shastra ke anusaar manage karke aur kuch upay karke inn saari problems ko door kar sakte hai.
Chaliye jaante hai ki vastu ke anusaar study room kis tarah se hona chahiye.

Study room ke liye 12 vastu tips






  1. Study room ko dakshin ya dakshin-purva disha me kabhi nahi hona chahiye. Is disha me agar study room hona ashubh hota hai or tanav de sakta hai.
    Is room ki divaro aur furniture pe kaala, laal aur gahre neele rang ka paint bhi nahi hona chahiye.
  2. Agar study room Uttar-purva disha me hota hai to vaha par aapko Saraswati maa ki aur Ganesh ji ki photo lagani chahiye. Esa karna subh hota hai aur student ka padhai me man laga rahta hai.
  3. Students ko koshish karni chahiye ki ve jitna ho sake utttar-pashchim disha me baith kar padhai na kare, kyonki is disha me baith kar padhne se padhai me man nahi lag pata hai aur ekagrata (concentration) bhi nahi ban pati hai.
  4. Study table chokor honi chahiye jis se ekagrata badhti hai. Is table ko darvaje ya divar se chipka kar nahi rakhna chahiye.
    Divar aur table ke beech doori hona bahut jaruri hai, is se bachhe ka padhai me interest badhega.Light ke niche ya light ki parchayi padti ho esi jagah par bhi Study table na rakhe varna galat prabhav padega.
  5. Study room me bahut bhari books, files aur sofe ko dakshin ya pashchim disha me rakhna chahiye aur is room me TV rakhna achha nahi hota hai.
    Faltu samaan is room me na rakhe. Study room ke beech ke bhag ko khali aur saaf rakhe jis se room me positive energy aayegi.
  6. Kabhi bhi toilet ke pass study room na banvaye aur jitna sambhav ho sake room me halke rango (light colours) ka use kare.
    Halka peela rang, halka gulabi aur aasmani rang aur halka hara rang use karna shubh hota hai.
  7. Vastu ke anusaar study room me books ki almaari(cupboard) ko purva ya uttar disha me banvana chahiye or uski 8 din me ek baar saaf safai jarur kar leni chahiye.
    Is almaari me ganesh ji ki photo lagakar rojana pooja karni chahiye.
  8. Study room me kabhi sona nahi chahiye aur faltu ki baate ya buri harkate bhi nahi karni chahiye.
    Yah maa Saraswati ka pavitra sthaan hota hai, to yaha par aap dharmik pustake padhe, dhyaan aur yoga kare aur aadhyatmik baate kare. Agar bachhe ka padhai me man nahi lag raha hai to kamre me bagule ki photo lagaiye jis se vo ekagra ho payega.
  9. Is room me yuddh aur ladaai jhagde wale chitra ya khatarnak jaanvaro ke chitra ya murtiya bhi nahi rakhe.
    Achhi gurujano ki aur Saraswati maa ki photos aur apne aadarshvadi vyaktiyo (ideal persons) ki photos lagana bahut achha hota hai.
  10. Jo students research aur gambhir subjects ki padhai kar rahe hai unka study room pashchim disha me hona chahiye khonki shani pashchim disha ka swami hai aur khoji aur gambhir grah hai to ye students ki research me madad karta hai.
  11. Study table ko purva ya uttar disha me rakhe or padhai karte time muh uttar ya purva disha me rakhe.
    In dishao me muh karke padhne se aapko positive energy milti hai, yaddasht badhti hai or gyaan ka vikaas hota hai.
  12. Vastu ke anusaar study room me khidkiya (windows) ya roshndaan purva-uttar ya pashchim disha me hona shubh hota hai or dakshin disha me hona ashubh mana gaya hai.
ये भी पढ़े   भूखंड से संबंधित वास्तु टिप्स - vastu for plots
 
Next Post
maxresdefault (1)
मकान वास्तु

Vastu remedies for south east toilet