maxresdefault (1)

Vastu remedies for south east toilet

Vastu Shastra ke anusaar humare ghar ka har ek kamra aur har chiz sahi tarike se aur sahi jagah par rakhi honi chahiye.
Kai baar esa dekha jata hai ki log ghar banvate time toilet ke nirman me jyada savdhaani nhi rakhte hai aur us par baki jagah jitna dhyan nahi dete hai. Jabki ye jagah bhi humari nivaas ka vishesh hissa hai.
Vastu kehta hai ki dakshin- purva disha me toilet banvana ashubh mana jata hai. Is disha me toilet hone se aapko dhan ki haani ho sakti hai aur saath hi aapke business me bhi dikkate aa sakti hai.
Galat tarike se aur galat jagah par toilet bana ho to vo pure parivaar ke liye durbhagya ki vajah ban sakta hai.
Agar aapka toilet bhi galat jagah par bana ho to koshish kijiye ki vaha se hata kar dusri jagah banva liya jaye, lekin agar esa possible na ho to aapko kya karna hai uske liye vastu ke kuch tips hum aapko batane ja rahe hai.

easy tips & remedies for toilets

1) dakshin-purva me lakdi lagaye aur samudri namak rakhe

2) Dakshin divaar par pyramid rakhe

Dakshin-purva me toilet hone se poore ghar ke sadasyo ko nuksaan pahuchta hai. Is disha me bane toilet se vastu dosh ko door karne ke liye apne toilet ki dakshini divaar par pyramid lagaiye. Ye bahut achha upay mana gaya hai.

3) Uttar- purva toilet ke bahar aaina lagaye

Agar aapke ghar me uttar- purva disha me toilet ya bathroom hai to unki bahari divaar par ya uttar purva me ek aaina lagana chahiye.
Uttar- purva disha kuber yani dhan ki disha hoti hai.Is disha me toilet hoga to vyakti ko aarthik pareshani aur paiso ka nuksaan hoga. Ghar ke mukhiya ko badnaami ka saamna karna pad sakta hai. Isliye ye upaay jarur kare.

4) Toilet ki thik jagah aur disha

Toilet ko ghar ke utttar-pashchim disha me hi banvana chahiye. Ise kabhi bhi ghar ke beech me ya phir Uttar-purva disha me nahi banvana chahiye.
Agar bedroom se attach toilet banana ho to bhi utttar-pashchim me hi banvaye.Toilet kabhi sidhiyo ke niche na banvaye.

5) Paani ki nikasi purva me

Toilet me pani ki nikasi purva disha ki or rakhna shubh hota hai. Toilet ke pani ka nikas kitchen ya pooja ghar ke niche se bilkul nahi hona chahiye.

6) Darvaaje ke neeche dhatu ke 3 taar daba de

Toilet se vastu dosh ko door karne ke liye banvate time uske darvaaje par neeche ki or lohe(iron), taambe aur chandi ke 3 taar saath me daba dijiye.

7) Toilet ke thik saamne aaina na lagaye

Toilet aur bathroom ka darvaaja humesha band rakhe Kyonki inki negative energy ka ghar me aana jana achha nahi hota hai aur inke darvaaje ke bilkul samne aaina bhi na lagaye, kyonki jab bhi toilet ya bathroom ka darvaaja khulta hai to ghar ki negative energy unme chali jaati hai lekin agar darvaaje ke samne aaina hota hai to vo energy vapas ghar me aakar nuksaan pahuchati hai.

ये भी पढ़े   जानिये कैसी होनी चाहिए वास्तु के अनुसार सीढ़ी (vastu for staircase inside house)

8) Vastu dosh door karne ke liye in baato ka bhi jarur dhyaan rakhe






  • Toilet ko saaf rkhe jisse aap par shubh prabhav padega.
  • Toilet ki seat Pashchim se purva ki or honi chahiye yani toilet me baithe to aapka face purva ki or na ho. Dakshin se uttar ki or bhi toilet seat lagva sakte hai.
  • Agar toilet me aaina lagvana ho to uttar aur purva ki divaar pe lagvaye.
  • Toilet ki divaaro par light colours ka paint hona chahiye. Isme neele (blue) rang ki baalti aur mug ka use karna bhi achha hota hai.
  • Isme badi khidki(window) uttar disha me aur choti khidki pashchim disha me honi chahiye.
  • Toilet ka darvaaja purva me ya Uttar-purva me hi banvaiye.

In baato ka dhyaan rakhiye aur bataye gaye upaay kijiye to aapke vastu dosh door honge aur ghar me positive energy aayegi.

Previous Post
2
बच्चे मकान वास्तु

Vastu tips for study room

Next Post
maxresdefault
Uncategorized

Vastu shastra tips in hindi for job